تقوم الحكومة الاسبانية الآن على دراسة جدوى بناء نفق يربط بين اوروبا بأفريقيا ومن المتوقع ان يبدأ العمل عليه العام القادم, لتعود القارتين متصلتين كما كانت منذ 200 مليون سنة , أقرأ باقي الموضوع »
تخلص من الإكسبلورر
نعم .. تخلّص من الإنترنت إكسبلورر التعيس .. الذي يحرمك من جمال الإنترنت .. هناك أفضل .. هناك أسرع .. هناك حريّة .. هناك تطوّر .. هناك أمان لم تشعر به يوماً .. و هناك إبتكارات تفيدك في كل لحظة .. في كل ضغطة .. ماذا تنتظر ؟ أقرأ باقي الموضوع »
زبالة الإنترنت
يشهد الإنترنت الآن عملية اختناق عربى كبير .. وهذا اثار غضبى كثيراً , مما دعانى إلى كتابة هذا الموضوع , ففى الآونة الأخيرة وجدت ملايين المنتديات العربية التى ليس لها مجال من الإعراب فى الإنترنت حيث اصبحت مزبلة التاريخ فى هذا العصر فكل شخص الآن أقرأ باقي الموضوع »
بيض بالبسطرمة
بيض بالبسطرمة , الأكلة المفضلة لدى كل الناس .. اكيد انت بتحب تاكلها , ولكن هل تكفى قطعة البيضة ام لا بد من البسطرمة .. لو انت جعان هتدور على حتة بيضة وتاكلها علشان تسد جوعك وراضى باللى قدامك, لكن لو مش جعان اوى هتاكل البيضة وهتدور على البسطرمة .. بس ممكن يكون فى واحد جنبك عايز حتة البسطرمة اللى انت عايزها , و فى بلدنا اللى بيوصلها الأول هو اللى بياكلها , انت حاولت وتعبت علشان توصلها وهو محاولش لكن عشان عنده سلطة قدر انه يوصلها وياخدها رغم انك وصلت قبل منه! بس يا ترى لما انت تعبت علشان توصلها, ولما واحد تانى استخدم سلطته علشان ياخدها , طعهما عند مين هيبقى احسن ؟؟!!
اكيد عرفتوا انا بتكلم عن ايه !
بقلم / عمرو رجائي
على طريق عيتيت ” مى نصر “
“على طريق عيتيت” , الأغنية دى شاهدتها بالصدفة على الإنترنت .. للفنانة / مى نصر ” يمكن متعرفهاش !” , بس الأغنية دى مؤثرة جداً .. اتمنى تسمعوها وتشاركونى آرائكم !
على طريق عيتيت يمّي قطعو صلاتي
على طريق عيتيت يمّي قطعو صلاتي
واحد حبيب الروح يمّي وواحد حياتي
ودّعوني وراحو يمّي صوب النبطية
وقالو شو هم نموت يمّي وتبقى القضية
ويا ريت عيني نهر يمي وشرّبون منو
ويا ريت جسمي جسر يمي وقطّعون عنو
وبينن صارو ع تليت يمّي كتبتّلك أشواقي
بترابات الجنوب يمّي أنا ورفاقي
ونحنا شفنا العذاب يمّي ودقنا حلاتو
ويللي نسي أرضو يمّي يعدم حياتو
وعلى طريق عيتيت يمّي قطعو صلاتي
واحد حبيب الروح يمّي وواحد حياتي
اكيد اتبعتلك الإيميل ده !
الموضوع باين من عنوانه .. اكيد الرسائل دى وصلتلك اكثر من مرة , رسائل تافهة ليس لها مجال من الإعراب , ومنها رسالة حامل مفاتيح الكعبة المنتشرة بشكل غريب.
قول مش عارف اية 10 مرات والا سيتم انزال الغضب عليك ومش عارف اعمل اية احسن ام احمد تزعل 
. انا مش عارف ده غباء فكرى ولا جهل دينى ولا ايه ؟
الإيميلات دى بتبدأ بـ (والله العظيم سأقرأ هذه الرسالة الي النهاية.. أنت حلفت يا برنس لازم تقرأ) وتنتهى بـ (اذا لم ترسلها الي كل من تعرف ستسمع خبر سيء اليوم, ولكن اذ أرسلتها ستسمع خبر جيد)
والمصيبة ان الإيميل ده لما يوصلك بتبعته لغيرك , وغيرك يبعته لغيره لحد ما تلاقيه وصلك تانى من واحد متعرفهوش .. وانت بتاخد ذنوب بدل الحسنات على كده ” احسب بقى كام ذنب مش كام حسنة ؟” . من أنت حتى تكون مطلع على علم الغيب لهذا الشخص ؟ إن هذه الرسالة وشاكلتها أفتى فيها الشيخ محمد صالح المنجد
بقلم / عمرو رجائي
ذكرى نكبة 1948 .. لسه فاكرها ؟
لسه فاكرين بلخور قصدى بلفور سنة 1917 اللى قال “انا هبذل كل جهدى لإقامة وطن لليهود فى فلسطين” , هى دى كانت بداية النكبة او الوكسة او المصيبة بتاعت 1948. سنة 1920 قرر الحلفاء انهم يحطوا فلسطين تحت الإنتداب البريطانى “الإنتداب ده شكل من الاستعمار كده” وينفذوا تصريح بلفور المشئوم .. وطبعاً سمحوا لأعداد كبيرة جداً من اليهود انهم يهاجروا من كل مكان فى العالم لفلسطين ويحوّلوا ملكية اراضى العرب لليهود علشان يبنوا عليها مستعمراتهم وقذارتهم .واكيد الفلسطينين مسكتوش وقامت حروب بينهم ومذابح . وبعدين راح اليهود وقفوا جنب الحلفاء فى الحرب العالمية الثانية “اكيد عشان يساعدوهم ويكسبوا تأييدهم فى اقامة وطن لهم فى فلسطين بعد الحرب !” , وطبعا بعد لما الحرب خلصت راحت بريطانيا عارضة الحكاية دى على هيئة الامم المتحدة ووافقتهم على تقسيم فلسطين لدولة عربية ودولة فلسطينية ومنطقة دولية “ازاى توافق على حاجة زى كده اصلا ؟”, طبعا العرب رفضوا تماماً ولما بريطانيا شافت كده قالت انها هتخرج من فلسطين وتنهى انتدابها “مبدأ تمام” , لكن اليهود كونوا عصابتهم المسلحة وطردوا الفلسطينينن من بيوتهم وارتكبوا ابشع المذابح منها مذبحة “دير ياسين” , قامت حرب فلسطين سنة 1948 ودخلت الجيوش العربية مع فلسطين ضد اسرائيل , راحت امريكا اخدت موافقة مجلس الامن على وقف القتال وعقد هدنة بين الطرفين “الهدنة بتقول ان محدش يجيب سلاح او محاربين لمدة شهر “ وطبعا العرب التزموا واليهود خالفوا الهدنة “كالعادة” وعشان كده لما الحرب بدأت تانى ظهر تفوقهم وهزموا الجيوش العربية واستولى اليهود على كل فلسطين ما عدا قطاع غزة والضفة الغربية ,والقدس كانت مقسمة بين العرب واليهود ومن هنا اعلن اليهود قيام دولة اسرائيل فى 15 مايو 1948 وطبعا امريكا اعترفت هيا كمان ” هى تقدر تقول لأه ؟ “ , ولحد انهارده هى دى مشكلة الفلسطينين او مشكلة العرب كلهم ..
كان نفسى اكتب ذكرى استرجاع فلسطين مش ذكرى احتلالها .
بس يا ترى افتكرتوها ولا لسه ؟
بقلم / عمرو رجائي
